Taumur á FB

Nú geta allir skoðað Taum á facebook :)

 

Hundaskítshreinsunardagur á mánudag.

Nk mánudag 3. júní verður hundaskítshreinsunardagur á Selfossi :)

Félagar í Taumi hagsmunafélagi hundeiganda á Selfossi og nágrenni ætla að

ráðast í að hreinsa hundaskít í bænum og er hugmyndin að hittast við Ráðhús Árborgar ( bak hlið ) kl 19.30

svartir ruslapokar verða til staðar ! félagar taki með sér gesti :)

Allir velkomnir.

Nefndin

Aðalfundur HRFÍ miðvikud 29.mai 2013

Fréttir

19.5.2013 13:32:34
Aðalfundur Hundaræktarfélags Íslands
í Reykjavík

Aðalfundur Hundaræktarfélags Íslands
í Reykjavík

Aðalfundur Hundaræktarfélags Íslands verður haldinn á Grand Hótel Reykjavík
miðvikudaginn 29. maí kl. 20:00 og á Akureyri gegnum fjarfundabúnað, á vegum
Svæðafélags Akureyrar.
Á Akureyri verður fundurinn haldinn á verkstæðinu Bútur, Draupnisgötu 9 og
hafa félagsmenn á þeim fundi kosningarétt.   ATH Aflýst!
Aðrir sem búa út á landi geta óska eftir að fylgjast með fundinum með
fjarfundabúnaði, en þeir hafa ekki kosningarétt.

Dagskrá:

1. Skipan fundarstjóra, fundarritara og lögmæti fundarins kannað 2. Skýrsla
stjórnar HRFÍ 3. Ársreikningar félagsins ásamt skýrslum löggilts
endurskoðanda og félagskjörinna skoðunarmanna fyrir síðastliðið ár, lagðir
fram til staðfestingar 4. Skýrsla um starfsemi siðanefndar 5. Starfs- og
fjárhagsáætlun stjórnar samþykkt fyrir næsta starfstímabil 6. Lagabreytingar
7. Kosning formanns HRFÍ og stjórnarmanna skv. 10.gr.
8. Kosning tveggja félagskjörinna skoðunarmanna og tveggja til vara 9.
Kosning siðanefndar 10. Önnur mál

Kosningarétt og kjörgengi hafa þeir sem greitt hafa félagsgjald sitt fyrir
það ár sem aðalfundur er haldinn á, fimm virkum dögum fyrir aðalfund.

Hvað er Hundafimi ?

Hvað er hundafimi ? Hundafimi er fjörug og skemmtileg íþrótt sem gengur út á það að láta hund þræða þrautabraut og þarf hann að gera það eins fljótt og eins rétt eins og hann getur. Hundafimi á umfram allt að vera góð leið til að skemmta sér og leika við hundinn sinn. Saga hundafiminnar Hundafimi kemur fyrst fram á sjónarsviðið á Crufts hundasýningunni árið 1978, og var hún gerð að fyrirmynd hindrunarstökksbrauta fyrir hesta. Á sýningunni sló íþróttin rækilega í gegn þar sem hundeigendurnir sáu hundana þjóta í gegnum göng og yfir tæki á fleygiferð og liðu ekki nema 2 ár þangað til keppt var í fyrstu stóru hundafimikeppninni í Bretlandi. Árið 1980 var Breski kennel klúbburinn búinn að gera reglur og farinn að halda keppnir.   Upp frá því fór hundafimin á flug og er í dag orðin stærsta og fjölmennasta hundaíþrótt í heiminum og sífellt fleiri falla fyrir þessari skemmtilegu íþrótt um allan heim.

Hvernig fer keppni fram Í keppni er einn hundur og eigandi/stjórnandi í braut í einu. Hundurinn má ekki hafa neitt á sér, ekki einu sinni ól, og stjórnandinn má ekki hafa neitt í höndunum né má hann snerta hundinn eða tækinn þegar hann hleypur brautina. Hann verður því að reiða sig að öllu leiti á sinn eigin líkama og rödd til að stýra. Dómarinn ákvarðar það hvernig brautin lítur út, hvar tækin eiga að vera og í hvaða röð þau skulu tekin. Ýmis tæki eru í hundafimi, s.s. snertitæki, hindranir, göng, vef og fleira. Áður en keppni hefst fá keppendurnir tækifæri til að ganga brautina til þess að læra hana og ákvarða hvernig þeir ætla að hlaupa hana. Að ganga brautina skiptir öllu máli því stefna hennar getur skipt margoft um stefnu og getur sama tækið jafnvel verið tekið tvisvar eða oftar. Þegar allir keppendur hafa hlaupið er þeim raðað eftir tíma, villufjölda og neitana. Það par sem stendur uppi með besta tímann þegar búið er að bæta við villum og neitunum sigrar. Hvaða hundar geta farið í hundafimi Hundafimi hentar öllum hundum, óháð tegund, aldri og stærð og er ekki óalgengt að sjá Chihuahua, Papillon, Border Collie og Stóra Dana æfa saman. Hundafimi gengur út á það að hlaupa með hundinn lausann og því skiptir miklu máli að eigandinn/stjórnandinn hafi góða stjórn á hundinum sínum og óhæft er að vera með hunda sem ráðast á aðra hunda eða fólk á æfingum. Aldur er oft sagður vera afstæður í hundafimi þar sem að stjórnendurnir sjálfir eru á öllum aldri og er í raun sjaldan of seint eða of snemmt að byrja. Þar sem að íþróttin reynir töluvert á líkama hundsins skiptir máli að hann sé í góðu líkamlegu formi og ekki of feitur en ekki er óalgengt að hundar sem stunda hundafimi alla sína æfi geri það langt fram á táningsárin, enda stuðlar áreynslan af æfingum að því að þeir haldast í góðu formi eftir öllum aldri.     Hvernig kemst ég í hundafimi Allir hundar sem lokið hafa grunnnámskeiði, hlýðni brons eða svipuðum námskeiðum og gráðum geta komið á námskeið í fiminni. Ástæða þess að þessi krafa er gerð er til þess að þjálfararnir geti verið vissir um að búið sé að kenna hundinum grunnæfingar í hlýðni s.s. innkall, sitja og liggja. Námskeiðin eru haldin með reglulegu millibili og eru samtals 8 skipti. Á námskeiðinu er farið yfir öll tækin sem eru í fimini og hundinum kennt að fara í gegnum þau á réttan hátt. Flest tæki tekur aðeins stuttan tíma að kenna og hundar eru fljótir að átta sig á því hvað það er gaman að fara yfir brú eða í gegnum göng og leika svo við eiganda sinn. Öll þjálfun í hundafimi byggist upp á jákvæðum nótum og er stranglega bannað að skamma hundinn sinn í hundafimi fyrir að gera tækin rangt því undantekningarlaust er það okkur að kenna og þá er mun betra að reyna bara aftur. Í hundafimi skiptir öllu máli að hundur og eigandi séu þarna saman á sömu forsendu, til þess að leika sér og njóta samvistar hvor við annan með því að gera eitthvað skemmtilegt, krefjandi og fjörugt saman. Samantekt unnin af Silju Unnarsdóttur

Hundaganga á Selfossi

 Hundaganga á Selfossi

Nú verður hattaþema allir mæti með hatta

 

Halló  hundafólk á Selfossi og næsta  nágrenni 

nú er komin Mai  og flautað  er   til hundagöngu nk laugardag 18.Mai  kl 11.00

og ætlum að hittast  á planinu  við Jötun-Vélar .

Nú ætlum við að ganga Langholt og Tryggvagötu ,Austurveg  til austurs  og þaðan sem leið liggur til baka í  upphafstað !

með nokkrum stoppum á leiðinni,

muna eftir að taka með kúkapoka  og góða skapið og  hattinnlíka !

 

Þetta er síðasta ganga vetrarins sumarfrí fram í sept

 

Jötun-Vélar  bjóða öllu göngufólki í kaffispjall eftir göngu !

 

Taumur hagsmunafélag hundeiganda í Árborg og nágrenni )

 

Sjáumst

 

 Göngustjóri
  

http://taumur.blog.is/blog/taumur/

 

Mismunandi mjaðmalosgreiningar....

af hundaspjall.is

Eins og allir vita þá nota löndin mismunandi skala, FCI löndin eru langflest með skalann A-E, Bandaríkin eru með svokallaðann OFA skala, og svo er Kennel Klúbburinn með BVA skalann (BVA - British Veterinary Association) síðan eru Þjóðverjar sér líka skilst mér.. en fyrir þá sem eru ruglaðir í þessu þá eru skalarnir hér í samanburði við FCI skalann sem við þekkjum best. 

FCI skalinn......UK/Ástralía.....OFA(USA)...........SV(þýskaland) 
A-1................0-4 .............E (Excellent)........Normal 
A-2................5-10............G (Good).............Normal 
B-1...............11-18............F (Fair)..............Normal 
B-2...............19-25............B (Borderline)......Fast Normal 
C.................26-35............M (Mild)..............Noch Zugelassen 
D.................36-50............Mod (Moderate).....Mittlere 
E.................51-106...........S (Severe)............Schwere 

Breska aðferðin er sú langnákvæmasta.
_________________
Kveðja 
Gromsari 

 

Lítið og skemmtilegt :)

http://www.sanger.dk/

 

smella á linkinn ekki virus.. 

Smitandi lifrarbólga í hundum

11.02.2006 15:02 | Helga Finnsdóttir© 

Sjúkdómurinn smitandi lifrarbólga greindist fyrst í silfurrefum árið 1925, en ekki sem sérstakur sjúkdómur í hundum fyrr en árið 1947. Fram til þess tíma var smitandi lifrarbólga álitin hluti af sjúkdómseinkennum hundapestarinnar og að heilabólgan í refum væri jafnframt af sama toga. 

Smitandi lifrarbólga hefur verið þekktur sjúkdómur í hundum á Íslandi undanfarna rúma tvo áratugi. Ekki er nákvæmlega vitað hvenær hann barst til landsins, en talið er að það hafi verið snemma á 9. áratugnum. Þá fór að bera á óþekktum veikindum í hundum og reyndar sýktust líka refir á a.m.k. einu refabúi. Grunurinn að um lifrarbólgu væri að ræða fékkst svo staðfestur þegar hundar, sem höfðu verið veikir, fengu svokallað ,,blátt” auga í afturbatanum, en það er einmitt meinkenni fyrir sjúkdóminn. Síðan þá hefur lifrarbólgan verið landlægur sjúkdómur, en sem betur fer hefur hún aldrei ollið faraldri og mjög fáir hundar drepist. 

Árið 1996 fékkst leyfi yfirvalda til notkunar á bóluefninu Canlan en það innihélt, auk deydds mótefnavaka gegn smáveirusótt, einnig deyddan mótefnavaka gegn smitandi lifrarbólgu og lifrarbólgutilfellum fækkaði. Haustið 2003 hvarf þetta bóluefni af markaðnum; reyndar var framleiðslu þess hætt vegna mengunarvandamála hjá framleiðanda í framleiðsluferlinu og þá kom í ljós, að ekkert sambærilegt bóluefni var til á markaðnum. 

Á undanförnum tveimur árum hafa því miður nokkur staðfest tilfelli smitandi lifrarbólgu skotið upp kollinum á ný. 

Orsökin 

er veira sem nefnist Adenoveira af stofni CAV-1. Veiran CAV-1 er harðger og getur lifað í umhverfinu svo vikum og mánuðum skiptir, en þolir illa hita yfir 60°C og ýmis sótthreinsiefni svo sem klór. 

Bóluefni gegn smitandi lifrarbólgu sem innihalda smitefni (mótefnavaka) CAV-1 geta haft í för með sér aukaverkanir sem eru auðvitað frekar óæskilegar, eins og til dæmis bjúgmyndun í hornhimnu augans svo augað virðist blátt. 

En veiran CAV-1 á sér náskylda frænku, en þó ólíka, sem er af stofni CAV-2 og veldur sú barkabólgu í hundum (infectious canine tracheobronchitis). Þessi skyldleiki gerir það að verkum að sama bóluefnið er virkt gegn þessum tveimur sjúkdómum, svo flest bóluefni sem notuð eru í dag gegn smitandi lifrarbólgu innihalda lifandi mótefnavaka (smitefni) veirunnar CAV-2. 

Veiran sem veldur lifrarbólgunni í hundum smitar ekki fólk. 

Smitleiðir 

frá hundi til hunds eru með þvagi, saur og slefi, en einnig með óhreinum matarílátum, fatnaði, óhreinum skóm og höndum. 

Veiran berst fyrst í hálskirtlana þar sem hún fjölgar sér hratt og þaðan í nærliggjandi eitla og áfram með blóðstraumi til marklíffæranna sem eru lifur, nýru, milti og lungu, en það er lifrin sem verður venjulegast verst fyrir barðinu á henni. 

Meðgöngutími smits er 4 – 9 dagar og koma klínisk einkenni fram að þeim tíma liðnum. 

Lifrarbólguveiran CAV-1 getur búið um sig í nýrum hunda, skilist út með þvagi og dreift sér með því um borg og bæ allt að heilu ári eftir að hundurinn hefur náð sér. Margir hundar geta því komist í snertingu við smitefnið og myndað náttúrulegt ónæmi sem veitir ákveðna smitvörn. 

Sjúkdómseinkenni 

eru mörg og margvísleg; stundum nánast engin, stundum aðeins smávægileg hitavella og/eða meltingartruflanir, en stundum eru þau öllu alvarlegri og geta þá minnt á einkenni smáveirusóttar. Í alvarlegustu tilfellunum getur smitandi lifrarbólga dregið hundinn til dauða á aðeins örfáum klukkustundum. En sem betur fer er það afar sjaldgæft, því sjúkdómseinkennin eru oftast væg og hundurinn nær fullum bata. 

Helztu einkenni smitandi lifrarbólgu eru lystarleysi, hálsbólga, uppköst, niðurgangur, þorsti, hár hiti (>40°C), eymsli í kviðarholi og hósti, hvarmabólga, minni blóðstorknun þ.e. tilhneiging til óeðlilegra blæðinga t.d. við tannskipti og jafnvel krampar og meðvitundarleysi. 


Augað bláa, annað eða bæði, eru meinkenni fyrir smitandi lifrarbólgu og sést hjá um fjórðungi hunda á afturbatatímanum. 

Orsök litabreytinganna er bjúgur í hornhimnu augans af völdum veirunnar. Allt augað verður ,,ópal”blátt og hundurinn verður ljósfælinn, þ.e. líður illa í mikilli birtu. Stundum eru gefin augnlyf, en venjulegast hverfa þessi einkenni á nokkrum dögum. 

Greining 

og staðfesting sjúkdómsins getur verið flókin þar sem einkennin eru svo margvísleg. Dýralæknirinn metur sjúkdómsástand sjúklingsins út frá þeim einkennum sem hann finnur við klíniska skoðun og blóðrannsóknir, t.d. mælingu á lifrarenzímum í blóði og hvítum blóðkornum og reynir að staðfesta sjúkdómsgreininguna eftir skoðunina og þegar niðurstöður úr blóðrannsóknum liggja fyrir. 

Nútímatækni gerir kleift að finna lifrarbólguveiruna með sérstökum rannsóknum (Polymerase chain reaction - PCR) og einnig má mæla mótefni í blóði. Við smit, bólusetningar - og þegar hvolpar fá mótefni með broddmjólkinni frá tíkinni, verður mikil hækkun á mótefnum (varnarsveit líkamans) í blóði og þess vegna þarf að mæla mótefnin a.m.k. tvisvar sinnum til þess að athuga hvort hækkunin sé af völdum nýsmits eða annars. 

Meðferð 

Það finnst engin lækning eða sértæk meðferð við smitandi lifrarbólgu í hundum. Meðferðin byggist á þeim einkennum sem eru til staðar og hugsanlegum fylgikvillum. Almennt eru gefin breiðvirk sýklalyf, vökvi í æð sé þess þörf og það sem alltaf er mikilvægast í umönnun veikra dýra; umhyggja, nostur og natni við fóðrun og aðbúnað. 

Bólusetning 

Bóluefni gegn smitandi lifrarbólgu finnst aðeins sem hluti af margþátta bóluefni, þ.e. bóluefni sem innihaldur einnig smitefni (mótefnavaka) gegn öðrum veirusjúkdómum en lifrarbólgunni, svo sem hundapest, (Canine Distemper) smáveirusótt, hótelhósta og inflúenzu, en sumir þessara lífshættulegu sjúkdóma eru sem betur fer óþekktir hér á landi eins og hundapest. Þessi bóluefni eru svokölluð ,,lifandi” bóluefni, en þá er mótefnavakinn, þ.e. veiran, lifandi en veikluð. 

Með lifandi bóluefnum er sú hætta því miður fyrir hendi, þó lítil sé, að bóluefnið framkalli þann sjúkdóm sem honum er annars ætlað að veita vörn gegn; það er að hundurinn getur fengið klínisk einkenni sjúkdómsins. Rannsóknir hafa sýnt að bólusetning gegn hundapest getur í (algjörum) undantekningatilfellum framkallað heilabólgu hjá einstaka hundi, en heilabólga er eitt af klínískum einkennum sjúkdómsins (og það alvarlegasta) – og er eins og hundapestin, algjörlega ólæknanleg! 

Hundapest er skæðasti og alvarlegasti veirusjúkdómurinn sem leggst á hunda, bráðsmitandi og er dánartíðni af hans völdum allt að 90%. 

Það er viðtekin regla stjórnvalda, hvar sem er í heiminum, að banna notkun ,,lifandi bóluefna gegn þeim sjúkdómum sem ekki finnast í viðkomandi landi af ofangreindri ástæðu, þ.e. að smitefnið (mótefnavakinn) í bóluefninu getur valdið sjúkdómnum í stað þess að vernda gegn honum. 

Til umhugsunar! 
Ísland er eyja og hefur þar af leiðandi náttúrulega einangrun gegn flestum smitsjúkdómum í dýrum. Hesturinn okkar er t.d. algjörlega laus við alla smitsjúkdóma sem eru algengir alls staðar erlendis og aðeins finnast örfáir smitsjúkdómar í öðru búfé. Sjúkdómar af völdum sníkjudýra eru sömuleiðis fátíðir hér og þeir sem finnast, valda sem betur fer ekki alvarlegum sjúkdómum, hvorki í dýrum né mönnum. 

En af nógu er enn að taka og því er vert að hvetja hunda- og kattaeigendur (og ALLA aðra dýraeigendur) til að sýna fyllstu ábyrgð þegar þeir eru á ferð erlendis og koma nálægt dýrum, t.d. á (hunda- hesta-katta)sýninguum, hjá ræktendum, eða í gæludýraverzlunum . 
Margir sjúkdómar eru bráðsmitandi og geta auðveldlega borizt hingað heim með fötum, skófatnaði og hlutum sem hafa komizt í snertingu við dýr (t.d. veirur eða egg sníkjudýra). 

Hvað get ÉG gert? 

Sýningar: 

- Ekki fara heim í sömu fötunum eða skónum sem verið var í á sýningunni, 

- þvo sér mjög vel um hendur, 

- hafa hreina skó og föt til að fara heim í og 

- ALDREI taka neitt með heim handa hundinum (dýrunum) sem hefur verið notað nálægt/hjá dýrum erlendis og getur þ.a.l..borið smit svo sem fatnað, áhöld, búr, teppi eða dót. 

Hesthús og/eða fjós eða umgengni við önnur dýr hvar sem er: 

- Þvo sér vel um hendur, 

- fara í hreina skó og föt áður en farið er heim, 

- ekki fara í hesthús/fjós fyrstu tvo sólarhringana eftir heimkomu. 

Fengið af láni af vefnum www.dyralaeknir.is
_________________

Um áhrif geldinga.

Ný grein um áhrif geldinga á rakka 13.2.2013 

Tilvitnun:

Golden retriever study suggests neutering affects dog health 

Neutering, and the age at which a dog is neutered, may affect the animal’s risk for developing certain cancers and joint diseases, according to a new study of golden retrievers by a team of researchers at the University of California, Davis. 

The study, which examined the health records of 759 golden retrievers, found a surprising doubling of hip dysplasia among male dogs neutered before one year of age. 

http://news.ucdavis.edu/search/news_detail.lasso?id=10498

Ný stjórn í Taumi :)

Stjórn félagsins sem kjörin var á aðalfundi félagsins þann 13.apríl sl. kom saman nú í kvöld og skipti með sér verkum:
Kristín Jóna Símonardóttir, varamaður
Ína Björg Guðmundsdóttir, formaður
Kristín P Birgisdóttir, meðstjórnandi
Páll Jökull Pétursson, varamaður
Ívar Bjarki Magnússon, ritari